¡atopémonos
bailando!
-
Atopémonos Bailando é o programa de residencias artísticas e de investigación
coorganizado pola compañía de danza Colectivo Glovo e a Concellería de Cultura,
Turismo e Lingua do Concello de Lugo, co apoio da Xunta de Galicia a través da
Agadic, dirixido a creadoras de danza e artes do movemento de Galicia, o resto de
España, Portugal e Costa Rica que se realizan no Museo MIHL da cidade de Lugo.
Desde 2022, seis institucións artísticas forman parte do programa como colaboradoras, facilitando o intercambio entre España, Portugal e Costa Rica. Estas institucións son: teatromosca de Portugal (AMAS - AUDITÓRIO MUNICIPAL ANTÓNIO SILVA), Teatro Experimental Flaviense de Portugal (Cine-Teatro Bento Martins), Quinzena de Dança de Almada de Portugal (International Dance Festival), Sede SóLODOS Costa Rica, Taller Nacional de Danza de Costa Rica e Festival LaboXL (Gipuzkoako Dantzagunea). Esta colaboración xorde do interese común en crear redes transfronteirizas con outras entidades e ampliar o alcance do programa.
RESIDENCIAS ARTÍSTICAS E DE INVESTIGACIÓN
Obxectivos de programa
-
-
Promover e apoiar a creación e investigación en danza e artes do movemento de
compañías galegas, nacionais e internacionais, proporcionando un espazo para a realización de residencias de creación e investigación, con especial atención ás
mulleres creadoras de Galicia. -
Difundir e achegar á cidadanía os procesos de creación en danza e artes do
movemento a través da apertura dos procesos nunha programación diversa,
internacional, comprometida e libre. -
Crear un espazo de formación e práctica en danza e artes do movemento mediante a realización de obradoiros especializados para o público xeral e/ou profesional.
-
Xerar colaboración e traballo en rede de axentes profesionais nacionais e
internacionais mediante o intercambio de artistas e información da empresa.
bases - FORMULARIO - resolución
CONVOCATORIA pechada
-
about
us
-
A compañía de danza Colectivo Glovo formada por Esther Latorre (Galicia) e Hugo Pereira (Porto) é a xestora do programa de residencias artísticas e de investigación Atopémonos Bailando.
Con sede en Galicia, traballan na creación da escena tanto para teatro, rúa e espazo non convencional, así como xestores culturais, xa que un dos seus principais obxectivos como compañía é aumentar o alcance das dinámica do corpo e xerar redes entre artistas, entidades e cidadáns.